فلسطينى
بقلم محمد البلاط
تعنى ايه فلسطينى
انا معرفش
ومابفهمش ما تعني لى
عايش فى الدنيا دى تايه
مابين الاه وبين اللا
لكن جويا يقينى
فيه ليا اسم وليا جزر
سمعت بودنى مش عينى
واقف على ارض بتصرخ
ضنيا وابنى من طينى
لو استشهد ولو يبعد
يعود لى فى حضنى من تانى
واضمه بين حروف اسمى
وبشاهدتى وبشهادته
ليه وشم فى قلبى وجبينى
مين السائر فى كون دائر
غريب عن غزه وجنين
غريب عن قدس وضفه
ولف شامله مئة لفه
وماسك ليا الدفه
وقال بلسانه فلسطينى
انا غزه انا الضفه
انا القدس وجنين
انا الشط والمرسى
انا امه فلسطينى
ومن اسمى واخد اسمه
وحتى فى المدرسه رسمه
ومن لبسه ومن وشمه
على ذراعه وعلى صدره
فلسطينى
روعة .. روعةٌ سلمت يمينك (Y)
ردحذف