امانه عليكى تحنى
بقلم محمد البلاط
امانه عليكى تحنى
ولو بالرد
اه من نارى ومن وجدى
ومن شوقى ومن السهد
ورغم الحزن فى عنيكى
بقلبى بحاول ارضيكى
وبرسم لك على النسمه
الف بسمه وبسمه
واطل فى نينى عينيكى
حدود على الجفن من الله
وكحل مكحلاه اديكى
ورمش سهم وصايب
فى قلبى صح مش خايب
وبتمنى يكون ليا
من النظره ولو نايب
بحاول انى ارضيكى
واكسب لو للحظه الود
ولو بالعطف يكون منك
تجملينى ولو بالرد
كثير بستانى مليان ورد
لكن مثلك
للاسف مافى حد
غزاله لو اقول ظالم
وحقك اتهضم فى الرد
قمر فى السما عالى
وقلبى ليه بيتشد
امانه تحنى بحنانك
ويسمع قلبى منك رد
اه من نارى ومن وجدى
ومن شوقى ومن سهدى
ولو لعذابى هتعدى
ما توصلي لنهاية العد
امانه يا قمر لترد
وانا موافق
تكون سيد وليك انا عبد
وترحم قلبى بقربك
ولو ساعه تخف الوجد
بروحى وكل كيانى
اليكى بتشد
حبال الوجد خنقانى
امانه عليكى تحنى
ولو بالرد
ليست هناك تعليقات:
إرسال تعليق