مات فلان .......شعر/جمال محمود

مات فلان .........مات فلان.............ابن العلان
مات فلان ابن العلان
مات فقيرا..مات غنيا ..مات جعان

عاش فينا ابو الشجعان
عاش ويحمل السرطان
عاش يبكى من الاحزان
مات فلان ..ابن فلان
مات متغطى ..مات عريان
مات بعيدا..مات وحيدا
مات شهيدا..مات شهيدا
يبقى دا اعظم انسان

قلبى عليك يا انسان
يابو لسان
ليه متصور انك تقتل
ليه تصميمك انك تظلم
ولا على بالك فى الحسبان
انك ميت يا خوان يابن الخوان
اصلك عايش فى التوهان
انت مفكر ربك ينسى
ايها خاين او خوان
ابدا ابدا يا سى فلان
صحى النوم يا روح امك
لازم تبدا فى الصحيان
يوم الدين جايلك جاى
علمه فى ايد ربى الرحمن
بكره تموت ولا لك
ذكرى وفى النسيان
شعر/جمال محمود