فوكس بيه
للشاعر : محمد ضباشه
للشاعر : محمد ضباشه
في بلدنا من سنين
شلة جامدة من الكبار
بجيوب عينيها زايغه
والتناكة مش هزار
ما طيبوا خاطر البشر
وسقوهم ذل ومرار
ولما فوكس يعيش معاهم
أكله يجى بالدولار
ويخدمه دسته غلابة
من بلدنا يبقى عار
اللى ياخده للسباحة
واللى شايله من المطار
واللى يعمل له مساج
واللى يدب معاه حوار
عن حاله واللى جارى
واللى في بلدنا دار
الناس مش لاقيه تاكل
بتطاطى لجل الجنية
وأولادها في الهم عايشه
مش لاقيه حتى أيه
الميزان في بلدنا مايل
والسؤال الصح ليه؟
يتميزوا عنا الكلاب
ما ترد يا فوكس بيه
ولا طبعك أمريكاني
غاوي يشوفني حزين
وأبنى نايم على الرصيف
مش دارى بحاله فين
والعدم في بيتنا عايش
ومولف من سنين
نفسي اعرف فوكس بيه
هو أنت ابن مين ؟
والحال ليه أتقلب
والغلط يبقى الصواب
ما الطريق الصح واضح
ملوشى ألف باب
أنا صبري عليكم نفذ
في مرايتى شعري شاب
وحقيقتي أنا إنسان
ميزوا عنه الكلاب
شلة جامدة من الكبار
بجيوب عينيها زايغه
والتناكة مش هزار
ما طيبوا خاطر البشر
وسقوهم ذل ومرار
ولما فوكس يعيش معاهم
أكله يجى بالدولار
ويخدمه دسته غلابة
من بلدنا يبقى عار
اللى ياخده للسباحة
واللى شايله من المطار
واللى يعمل له مساج
واللى يدب معاه حوار
عن حاله واللى جارى
واللى في بلدنا دار
الناس مش لاقيه تاكل
بتطاطى لجل الجنية
وأولادها في الهم عايشه
مش لاقيه حتى أيه
الميزان في بلدنا مايل
والسؤال الصح ليه؟
يتميزوا عنا الكلاب
ما ترد يا فوكس بيه
ولا طبعك أمريكاني
غاوي يشوفني حزين
وأبنى نايم على الرصيف
مش دارى بحاله فين
والعدم في بيتنا عايش
ومولف من سنين
نفسي اعرف فوكس بيه
هو أنت ابن مين ؟
والحال ليه أتقلب
والغلط يبقى الصواب
ما الطريق الصح واضح
ملوشى ألف باب
أنا صبري عليكم نفذ
في مرايتى شعري شاب
وحقيقتي أنا إنسان
ميزوا عنه الكلاب
ليست هناك تعليقات:
إرسال تعليق