اضحك في وش اللي باعك بقلم الشاعر -كريم ابراهيم -
اضحك في وش اللي باعك
وإفرد دراعك
وأحضن بكره
بكره بتاعك
وإياك تكره
وحول ألمك ماضي وذكره
وبدأ صفحه جديده وعيش
متع روحك ما تخليش
حاجه توقف حلمك ثانيه
وفك التانيه لأملك يطول
وخليك ناصح ديما وأسأل
ليه الفرحه تملى غياب
مره نسيت و واربت الباب
دخل الفرح صدفه وشافني
قال تعرفني
وقفت أحقق
قالي تصدق
عمري بجيلك ألقاك غيرك
عمري بميز واعرف افرق
إنت مش انت
لما بتضحك
مش دي ملامحك
لما بتفرح بتبان أوضح
بتبان أصلح
لما بتفرح بيروق جرحك
نفسي اسامحك
فيه سنين حزن
جمله عجاف
كونا بنضحك قطمه وحاف
وانت مشون غلة فرحك
ليه م الحزن بتعشق دبحك
ليه مالفرح تملى تخاف
ليست هناك تعليقات:
إرسال تعليق