ايه الحكايه بقلم الشاعر مجدي فرحات
ايه الحكايه
زعلان مني
قال ايه
مبسالش عليه
امبارح كان معايا
وهو اللي واعدني
بالفرح ولياليه
لما دفاه حضني
ونظره عنيه
كانت بتطمني
هيصون هوايا
ويقرب مني
اتاري الحكايه
بيهرب مني
لما سالت عليه
مش عايز يكلمني
قال ايه
قال مخاصمني
طب ليه
وانا برويه حيي
لو حس خوفي عليه
مكنش بعد عني
اقول بس ايه
غير الله يهديه
هو عشان واحده
فاتت من جمبي
وبصت عليا وعليه
يبقا خلاص تعرفني
والحب اللي برويه
وشوقي انا ليه
خلاص ضاع مني
وضاع معاه عمري
هو انا ذنبي ايه
عشان واحده
لا اعرفها ولاتعرفني
تقوم كده تخاصمني
يا خسارة حبي ليه
وعمر فرحان بيه
يا رب صبرني
على جرحه لقلبي
وادي كل الحكايه
قال ايه
زعلان ومخاصمني
ليست هناك تعليقات:
إرسال تعليق