إتكلمي بصراحة بقلم الشاعراحمد صبري
كلام صريح بدون تجريح
تستاهلي تتهني وترتاحي
وانا استاهل اعيشها جريح
سامحيني خلصت افراحي
وانا بلعب في المراجيح
كان عندي 8 سنين
والشعر كتبته وقتها
اول ما كتبت حزين
و فاكر حتة منها
حزين ديما حزين
الضحكة الاقيها فين
ديما قلبي حزين
حزين من سنين
مكانش كلام عيال
كنت بشوف العذاب
إحساسي كان شغال
هموت من الاحباب
-
نتكلم بصراحة اكتر
قضيت عليهم تاْبيدة
طريق الظلم اخضر
مقفولة سكة سعيدة
كنت ديما على امل
ان في يوم هقابلك
اسد بيحضن حمل
وينسى عمره قبلك
-
ولقيتك الف مرة
احباب تخون حبي
من جوه عكس بره
والحق على قلبي
لا يفرق لون عنيكي
ولا حبيتك زيادة
زيهم انا هنت عليكي
غدركم لهوايا عادة
-
إتكلمي بصراحة معايا
كنتي عايزة مني ايه
بقيتي كده مرتاحة
ودا اللي قدرتي عليه
حقك ومش زعلان
فرخان عشان سيبتيني
سيبك من الاحزان
انسي فين شوفتيني
-
انا واحد من جواه
ااااه تغرق مدينه
ممكن تشوفي معاه
ايام صعبة حزينة
مبروك عليكي النجاه
وقالوها من قبلينا
اللي نسيك انساه
الله يعوض علينا
ليست هناك تعليقات:
إرسال تعليق