ست البلاد الغاليه بقلم الشاعر رضا عبد الفتاح.
ست البلاد الغاليه وحابب اعيش فيهل
ام الاراضى الخصبه وخيرها فى ايديها
شقت طريق للنور وربى الىحاميها
مكانها فوق الراس تامر واراعيها
هى الى خيرها عليا وانا المدين ليها
مهما عليت وسافرت لازم اعود ليها
هى الى فيها النيل وانا الى شاريها
اعد عليه باليل اكتب كلام ليها
اغنى بالموال واشتكى ليها
ام البلاد كلهم لمانا حوليها
تاعد تطبطب عليا وانا بحاكيها
الاقى فين الدفا الا وانا فيها
وجارى جرجس افندى عاشق كمان ليها
كنيسته جمب جامعنا فى حينا فيها
وهى لمه الحبايب والكل حوليها
ساعه فطار رمضان تنده بصوت ليها
تعالى يا ابن البلد ولا فرقه ملل فيها
يا مصر انتى الحضاره واحنا البناه فيها
سابولنا فيكى جدودنا تحت التراب دهب
قالولنا حافظو عليها وبلاش تفارقو العتب
اصل الديار تنهار لو جه فى يوم مغتصب
لا تلقى فيها عمار ولا حتى عود الحطب
خوفى عليكى يا غاليه خلى لسانى رطب
ادعى انا الرحمن واحفظها من المغتصب
واعلى فصوتى كمان واقرا انا القران
يارب يا رحمن احفظ لمصر الامان واحميها من المغتصب
ليست هناك تعليقات:
إرسال تعليق