خطيئة وردة
وردة ودبلت على عودها
أيام وربنا لايعودها
أيام ماكانت بتفتّح
للدنيا وتفرد أوراقها
ياحسارة إتغرت في شبابها
ونسيت ربي إللي خلقها
فتحت لشيطانها في أبوابها
زخرف دنيتها وزوقها
نساها جهنم وعذايها
من خمر الدنيا ودوقها
سكرت وردتنا من الخمرة
أخدتها الدنيا بأضوائها
وريتها لياليها الحمرا
طفت وردتنا في أشواقها
باعت أخرتها بدنيتها
من بعد شيطانها ماغرقها
دبلت راح منها ريحتها
ندمت وندمها حرقها
ذهدت في الدنيا إللي غويتها
وتابت لله إللي خلقها
وربي قبل منها توبتها
وبرحمته من ناره عتقها
وبحسنات بدّل خطيثتها
سبحانه ربي إللي رزقها
بطوق التوبة إللي يغيتها
من بحر شيطانها إللي سرقها
من وسط زهورها وعزوتها
آدي الوردة وحكايتها
وآدي الدنيا إللي غويتها
مين قال فيكم أنا تايب
ألا أونا ألا دوّا ياحبايب
بقلم طارق السيد
ليست هناك تعليقات:
إرسال تعليق