**حظوظ**بقلم الشاعر/طه إبراهيم**

حظوظ
******
آه لما الحظ يضحكلك
ويجري بسرعه ويقبلك
ويرش ورود علي خدك
ويفوت الهم ويشدك
ويرسم ع الحيطان شكلك
وتلاقي الكل بيحبك
وتلاقي الدنيا مزبوطه
وكلاب السكه مربوطه
ونجوم الفجر مبسوطه
وزهور الفرح محطوطه
وتلاقي الاوطه تفاحه
وتلاقي العيشه مرتاحه
وتلاقي عروسه فلاحه
وتلاقي عينيها لاماحه
وتلاقي الزفه والساحه
وتلاقي الخير علي إيداها
وتلاقي السعد حواليها
وتلاقي الراحه في عينيها
وتلاقي العز يا أمير
وتلاقي القله والزير
وتلاقي الشمس بتغير
وتلاقي ضله و حرير
آه لما الحظ يضحكلك
ويجري بسرعه ويقبلك
******
بقلم / طه إبراهيم