مين اللى قال إنى شاعر دى لا حرف من حرفى
دى أنا مهما وصفت المشاعر برضه ماهتكفى
يا إم عيون فيروز بتلمع دى ضيك و لا اللؤلؤ
يزيدوا كمان لما تضحكى عينيك تقوم تبرق
بلاقيك شمس بتشرق وعليك العيون بتحكى
لما تظهر لى ف ميعادها و بوعدها بتوفى
بحب إشوفك و إتملى ف عينيك
و الإحلى منه كسوفك بحبه فيك
لما إقولك كلمة و إستنى إن أسمع رد
إلاقى عينيك تغمض و تفتح زى الورد
بحس فيها بالإجابة و الإستجابة بوعد
يا عيون للمشتاقين و المجروحين تشفى
لما يشفوك م بعيد عليك العيون تقوم تجرى
مشتاقين عطشانين فينك من بدرى
يا نجمة بتلالى يا فرحة بتحلى لى
يا عيون سايبة الكون و أنا وحدى جاية لى
مهما حكيت ما إنتهيت و لا شعر يطول وصفى
....................................................... ف 28 / 11 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق