ولأنك مغروس ف حشايا
وطيفك باقى جوايا
أنا هافضل ع العهد حبيبك
وتكون لى سعدى ومُنايا
ولأنك النسمة ف ليلى
والنور الواضح ودليلى
والشمع القايد قنديلك
انا كاتبك صبرى ف مواويلى
ولأنك قمرى ف سمايا
وراسم صورتك قمرايا
ياساحرة عيونى ف هواكى
يابسمة عُمرى ياضحكايا
ولأنك عمرى وأيامى
راح أعيشك حتى ف أحلامى
وأرسم لك صورة على سحابة
وأكتب لك غنوة بكلامى
وربابة تغنى موالى
عن عشقى ليكى وأحوالى
تتحاكى للناس وتغنى
عن نجمة ف سماها العالى
أبو وســـــــــــــــــام
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
سامى أبو الغيط
*******************
ليست هناك تعليقات:
إرسال تعليق