من كتابات صديق الصفحة الشاعر علي أبو بكر.
لوقالولك روح وصوت
قول يالهوي
واملي كل الكون صويت
كان حقيقي عليك يا اخويا
لسه بدري
وعيش حزين
وان قالولك راح نعدل
اونبدل
او نجيب الشرق غرب
والشمال يصبح يمين
قول امين
حتي لو ماشي وما قولتش
واعترضت وما اعترضتش
جوه نفسك روح وفتش
انت اصلا تبقي مين
دا انت واحد زيي زيك
زينا كتير م الهاموش
رأينا معدوم وضايع
وسط انياب الوحوش
او بتلهينا المعايش
لجل حبه من القروش
والحقيقه اننا
جوه خوفنا مسجونين
نمشي في دروب السنين
محرومين
نبقي كوره بيشطوها
الكبار ويوصلوها
للمرض والجهل توهه
واحنا فيهم مسجونين
يعني مش هيفيد صواتنا
لو نصوت مجبرين
والخلاصه
اننا ننسي اللي فات
واللي جاي من سكات
واننا نفكر في يومنا
واننا نصوت صوات
لو جابولنا لقمه حلوه
ويا ورقه
مس فئات الخمسينات
ليست هناك تعليقات:
إرسال تعليق