ياوابور مزحوم معجون بقلم طارق شامخ
\
ياوابور مزحوم معجون
بكل صنف ولون
فيك اللي شايل الهم
واللي صبح مجنون
يمكن كمان فيه سم
ينهش في لحم بطون
جايز يكون الغم
على الوشوش مدهون
شايل بشر مهموم
باين عليه محقون
يحلم ويلقى الحلم
أوهام وكله ظنون
أصل الطريق مرسوم
بالرشوه والمعلوم
والكل فيه بيهم
بالمال كده مفتون
ونسينا رب الكون
والرحمه للمرحوم
راكبين في قطر نذم
وأشرف ما فينا يخون
راضيين كده بالظلم
وبنيجي ع المظلوم
نسونا حتى الإسم
ومسميينا زبون
ياوابور مزحوم معجون
بكل صنف ولون
طارق شامخ
ليست هناك تعليقات:
إرسال تعليق