ف الوريد
سكت الوليد
صوته انكمش
بلعت حيطانه ضحكته
واللى باقى منه
مفيش
غير حبة ونس
من دمعتين
ماتو م العطش
الشمس تحت الغطا
عرقانه م الدفا
وش السما خرابيش
وايدين دبلانه
م الجفا
يا نسمه ما تعديش
مفيش ضفاير للشجر
ولا حلم
طاير بجناحين
ولا عصفورين
نايمين على خد القمر
ولا شلة عيال
مع الموال بيغنو
ويزغزغو الفراشات
ولا ضله شايله الشجر
وتونّسه بحكايات
لو عيون الشمس تصحا
وتفتَّح ع الخدود
وتجرى فى الشوارع
وطبطب ع البيوت
وتفتح ألف حاره
جوَّا قلوب الولاد
والسكات يطرح غناوى
تسرِي فى عروق النهار
لو تمطّر ألف مره
بالدفا يحلا المرار
*******************************************
كلمات الشاعر / سليمان صالح احمد( سليمان خطاب)
ليست هناك تعليقات:
إرسال تعليق