يا ريس شراعك فين ؟
نداء لـ محمد ضباشه
على الشط بقالى سنين
ولسه الدور عليه ماجاش
ومراكب رايحين وجايين
ومــراكبى طلع بكاش
بيعدى فى ناس واصلين
ومصيرى معاه متحاش
وورايا طابور ملايين
صرختهم ما نجتناش
فى الطل نبات واقفين
ومهما ننادى ما سمعناش
بيضحى بناس مساكين
ومراكبة ما تسعفناش
يا ريس شراعك فين ؟
على مهلك ما تسبقناش
وتسبنا لكلاب ضالين
تحطمنا ما ترحمناش
ولا إحنا عشان لابسين
جلبية ما عدتناش
لبسنا بدل من الصين
وبيعونا ولو ببلاش
ليست هناك تعليقات:
إرسال تعليق