الغربة
..........................
طريقك يا سيدى إخضر
و باسبورك لونه إخضر
مكتوب يا عم و متقدر
بإيدك إيه دى لو تقدر
إيه جبرك ليه تتغرب !
حد قالك ف يوم إمشى
حاربك و قالك متقدرش
كسفك و قالك متعرفش
صراحة ليه معرفشى
لملح البحر راح تشرب
دى النيل و ميته عذبه
لكن البحر المياه شربه
تدوق طعمها ف الغربه
بينى و بينك عندك حق
الغربة فى الوطن صعبة
لكن الباسبور دى لعبة
لكن تفهمها لأ صعبة
شايفها م بعيد مكسب
تفرح تقول أنا هلعب
لا دى ملعب غير الملعب
بجد الغربة دى مقلب
بتقدم فروض الطاعة
لعبة مغرية و جشاعة
ف الإخر تكون بياعة
تغور الغربة و لو ساعة
مهما كان بلدك إحسن
ف إرضك إترمى عودك
فيها قدرك و موعودك
لو مر طعمه إو حنضل
إمى مهما كان إفضل
مرات إبويا مهما كانت
مهما شكيت لها همى
و ناديت لها ب يا إمى
عمر ما تمسح دمعى بإيدها
و لا دمى هيجرى ف وريدها
دايرة عمرك ما راح تفردها
كداب لو قلت هتسعدها
الإم إم و الإب إب
لو قلت هكسبها لأ صعب
............................ ف 6 / 11 / 2015
من صفحة الشاعر / شعبان مكى شاعر عامية
ليست هناك تعليقات:
إرسال تعليق