بشتاق لجمال عنيك بقلم الشاعر/ محمد ضباشة

بشتاق لجمال عنيك
محمد ضباشه

قد أيه بشتاق اليك
قد أيه وأنا روحى فيك...
قد ما فكرى ياخدنى
قلبى مش ناسيك
وقد ما يسهرنى ليلك
مشغولة عيونى بيك
وقد ما قمرى يقرب
أتمنى ياخدنى ليك
وقد خطاوى طويلة
يمكن تربطنى بيك
وقد ما بيدق قلبى
كل دقه بتناديك
قد ما عنيه تشوف
كل نظرة بتناجيك
قد كل ليالى البعد
اللى توبها بيداريك
وقد ما بتمنى وصلك
وألقانى بين أيديك
قد شوق كل الآحبه
بشتاق لجمال عنيك