من يومين عايشين --- بقلم الشاعر محمد ضباشة

من يومين عايشين
محمد ضباشه

بتمنى أشوفها ولو لحظة
وتطول اللحظة معانا سنين...
تطفى أشواقنا من اللهفة
ونلاقى الحضن دفا وحنين
وعيون شدانى من غرقى
لدنيا حب ما أعرف فين
وتشيل عنى أنا وقلبى
مأسى من جراح وأنين
وكفاية شموع دابت منى
سهرت معاها بقلب حزين
أدور عليها فى خيالى
وأقول يارب هى مين ؟
ألاقى طيف أضاء ليلى
وسكن قلبى ونن العين
بصورة اشوفها أقول هى
بلون الشعر والخدين
وبسمة على الشفاة تفرح
وفى ايديها زهور ياسمن
عليها من الحروف اسمى
وجايه تفرح القلبين
وبين أشواقى واللحظة
بدأنا نقول كدا عايشين
ولسه الأصل فى خيالى
بيتمنى وصوله الحين

عرض المزيد