خواطر وشعر مراد مصطفى تلات حروف

خواطر وشعر مراد مصطفى

تلات حروف

تلات حروف هى إحساس وشعور يفرحنى
وهى كمان دايما بتملأ قلبى خوف،،،،،
تلات حروف ،،،،
فيها الضحكة الجميلة والأمل
وفيها القمر بيدارى النور فى خجل وكسوف،،،،
تلات حروف،،،،،
هى الأميرة و حنان القلب وعبير الروح
هى ملاك وقلب جميل وعينى دايما عليه بتطوف،،،،
تلات حروف،،،،،
هى رسايل شوق ومحبه وهى إيمان القلب
وإحساس وشعور تخلى القلب عليك مخطوف،،،،
ولما يغيب ويطول بيبان عليك
وتكون سارح معاه وقلبك عليه ملهوف،،،،،،
تلات حروف،،،،،
عرفتم ايه دى كلمة بحب
نظرة وآهات ودموع وآنين فى القلب
واسم حبيبى عل اللسان فى الليل مكشوف،،،،
تلات حروف هى حبك ،،،،،
لم بتيجى تقابل حبيبك بتحس بدقة قلب ورعشة إيدين
وصرخة شفايف واجمل خيال فى العيون بتشوف،،،،
تلات حروف هى عشق (اتنين اتنين)
عنتر وعبله وقيس وليلى وقصايد دموع الشعر
غنت فى الليل والسهر اجمل حروف،،،
تلات حروف هى حبك ،،، مقسومة دايما مع كلمه
حبك أمل،، حبك ألم ،، حبك زهور،، حبك جروح
حبك خيال،، حبك جمال،، بتحكى فيها دايما لحبك حال وظروف،،،،
تلات حروف هى حبك
أنا بعترف قلتها ومش خايف
ولو فتحوا رسايل الحب والذكرى بعد الفراق
هيشموا عطور وردك ومنديلك عليه ملفوف،،،،،
تلات حروف هى حبك
لا يتنسى أسمك حبيبى مهما طال العمر
محفور بالزهور فى القلب ولا يمكن يكون محزوف،،،،،
بقلم مراد مصطفى مراد