سيدنا النبي قالها زمان
الاسلام هيعود غريب
هيعود غريب زي ما كان
صدقت يا سيدنا الحبيب
تشكيك ف كل النصوص
ملاحده بتشجع لصوص
قطر الكفر طالع يدوس
أي قلوب فيها ايمان
مزاد كبير والكل شاري
بس انت شكك ف البخاري
والأئمة الكبار....
ﻻ عاجبهم سنه أو كتاب
خبوا الدين ورا الف باب
قالوا مفيش جنه ونار !!!!
يا رب ليك المشتكي
وانت اللي عالم ب اللي صار
عالم بكل اللي اتحكي
ناقص يقولوا الدين هزار
ابليس سعيد حقق مراده
وبيحتفل هو و وﻻده ..
باﻻنتصار ..
في ناس ورجعت تعبده
وتقيد شموع وتمجده
عملوله زار !!!!
يا رب ليك المشتكي
وانت اللي عالم ب اللي صار
عالم بكل اللي اتحكي
ناقص يقولوا الدين هزار
ليست هناك تعليقات:
إرسال تعليق