دى كانت نتيجه المسابقه #عتاب_الاحباب بينى وبين بلدى الغاليه #يا_خسارة_يامصر
كان نفسى ابدأ مشوار الالف ميل
كان معايا مليون و300 الف زميل
نجح 30 الف والباقى طلع كله عليل
الاسم تايه والمهنه معلم والوظيفه عويل
نفسى ابنى فيكى بسرعه الصاروخ او حتى بعدو الخيل
كان نفسى ابقى قدوة ومثل اعلى من جيل الى جيل
ويقولوا قف للمعلم وفيه التبجيلا
بس المعلم طلع احتياطى بلا وظيفه ولا نيلا
معقوله يا بلدى مش هلاقى فيكى سبيل
ولا خيرك هو اللى اصبح عليه قليل
يعنى اروح ارمى نفسى فى حضن النيل
ولا اسافر الهند اركب فيل
ولا اشتغل حارس مرمى احتياطى فى البرازيل
اوعى حد يقول كلام معقول وجميل
ده كله يأس واحباط ويهد العزم والحيل
لالا مش هقدر اصدق اكيد الكلام ده مستحيل
انتى ارض الفيروز والهرم ونهر النيل
وسيدنا يوسف قال فيكى خزاين الارض
وخيرك ليه الف سبيل
#بحبك_يا_بلدى مهما غدروا وخانوا ولو كانوا الف عميل
لو كان حقيقى جواك هدف وفكر نبيل
هتلاقى الف مهنه وطريق وسبيل
اسعى وربك معاك عليه التوفيق وهو الدليل
ولما تتعب خد نفس وقول حسبى ربى ونعم الوكيل
وقوم كمل المشوار الحلم يصبح واقع جميل
وقول يارب رضاك هو الغايه والوسيله والهدف النبيل
وكن جميلا يأتيك كل شىء جميل
اصبر تنول ولو بعد حين
وتذكر حقا علينا نصر المؤمنين
#صلوا_على_الهادى_الامين
ليست هناك تعليقات:
إرسال تعليق