قصيدة سألت عنيك
كلمات : محمد ضباشه
سألت عنيك قالولى
أنك بتشك فيه
والشك نار بتحرق
بطل شكك شويه
فيهم كلام بيجرح
مش فاهمة تقصد أيه
لو فيا شيىء يعيب
بتخبى عليه ليه
خليت نهارى ليل
ودموع على خدى سيل
وبدل ما ألقاك بفرحة
بأسى عذاب وويل
أنا خايفة الوهم ياخدك
وتبيع اللى اشتروك
وتشترى اللى باعك
واللى فى يوم خانوك
وانا اللى امنتك
وانا اللى حبيتك
وانا اللى فرحتك
عمرى ما بكيتك
وأنت عايش بشكك
ما كفايه عذاب وحيرة
وتقولى بغير عليكى
مين قال ان دى غيرة
ويوم ما تعود لى تانى
تلقانى خلاص نسيت
وعنيك تروق وتحلى
والقاك خلاص نويت
ترمى شكك بعيد
وبلاش تشك فيه
الشك نار بتحرق
بطل شكك شويه
ليست هناك تعليقات:
إرسال تعليق