وحياتي عندك ...بقلم الاستاذ عمر شمروخ

وحياتي عندك ...
بسم اللي خلق البرايا ............ ابدأ كلامي وحكايتي .
كل الحبايب برايــــــــا ...... من جرح قلبي وشكايتي .

سبب جروحي باعيني ........... وانتي اللي ربك يعينك .
يا مجروحة انسي وبيعيني....... ولا دمعه تطرح ف عينك .
انا اللي باجرح في قلبك .......... وانتي اللي دايما تدادي .
اغرق فى ودك وحبك ................ وابخل عليكي بودادي .
وفضلتي فاكرة اني ناسي ........حبك وماشي بهوايا .
لاقلتي قلبك ده قاسي ....... ولا سمعت منك شكايا .
دلوقتي لازم لقلبك ................ اشرح عليه الروايا ..
عشقك فؤادي وقال بك .......... من دول كل الصبايا .
طيفك في نومي زاملني .. وفي صحوى ماشي واشوفه .
لكن زماني زملني .................... من قلبي حني كفوفه .
وفضلت امنع في عيني ....... لتبوح باللي في حشايا .
وانا نفسي افرد باعيني ....... وازرع في صدرك بكايا .
سبب بكاي مش انتي ................ سبب بكاي عيوبي .
قسيت عليكي ولنتي ................. وكنتي شمعه دروبي .
سبب بكاي مش انتي .................. سبب بكاي حنيني .
انا خنت عهدك وصنتي ................. وحياتي انسي وبيعيني .
ايوة نصيبي ونصيبك ...................... طريقنا مايكونش واحد .
لو كنت فعلا حبيبك ......................... انسيني باى واحد .
شمروخ ...