خدعتيني __ بقلم الشاعر عصام دويدار

 




خدعتيني
ياما حاولت معاكي كتير
ياما طالبتك بالتغيير
تعبت كتير أنا في حبك
أنا ماشي أشوفه بخير

خدعتني بدمعه وآه
وسبت الدنيا علشانك
أتاري الحب كان لعبه
وكان الغدر عنوانك
خدعتيني ليالي طوال
شغلتيني بكام ضحكه
أتاري قلبك الغدار
بيحرق كل يوم فرحه
سألت عليكي ناس ياما
قالولي عينها دوامه
بتضحك بس من بره
وكل يومين بميت حاله
عشان تقدر تعيش مرتاح
بلاش تندم علي الماضي
خلاص الوقت عدى وراح
حاول تقدر تعيش راضي
بقلم / عصام دويدار