===== على هواك ======
على هواك اقول كلمتى
قابلت ياما هوى فى سكتى
مخدتش فى بالى عجبانى وحدتى
ولما حسيت بهواك نزلت دمعتى
فرحت بنفسى ان فيه هوى
لمس احساسى بدنيتى
-------------
كنت عايش نايم صاحى
مبعدش الوقت لحد صباحى
من تفكير باى هوى
اتارينى كنارى فارد جناحى
بقى وقتى مشغول بمواعيدك
كانك ساكن بقلب روحى
----------
على هواك عشت ومرتاح
يوم ما تغيب اقول فين راح
معقول هوايا يكون سواح
خايف عليك ترجع بجراح
واتعذب بهواك اللى
ملهوش باب ولا مفتاح
==== على هواك ====
قلم ==
يوسف عبد الرحمن
ليست هناك تعليقات:
إرسال تعليق