سوق السعاده جَبر بقلم الشاعر عماد أبوالنجا
يا ناس ياللى تحت
ياناس ياللى فوق
شفولى حل جَذرى
بجد أنا مخنوق
دِلونى ع السعاده
لفيت عليها السوق
والفرح ملقتوش
وقالولى ف باب اللوق
لفيت هنا وهناك
وسألت الناس الزوق
ملقيش عندكم سعاده
تدخُل جوه العروق
تبقى لروحى قلاده
ولا حتى اعملها طوق
طب حتت ضحكه بايته
أو حلم كان مسروق
ولا شويه كُناسه
بقايا من مخلوق
لقى السعاده مَره
ومن غفلته هيفوق
باعولى السعاده وهم
والضمان عليها ملزوق
الفرح فيها حُزن
ملقيتش بينهم فروق
الفرح كله غروب
والحزن عندى شروق
مش لاقى ليه فرحتى
قلبى بقى محروق
شايف زمانى رحل
وشايفنى أنا مشنوق
ليست هناك تعليقات:
إرسال تعليق