**باختصار**بقلم المبدع /فهمي علي **

**باختصار**/بقلم فهمي علي 

الحكاية باختصار 
ان انا محتاج لروح
تبقى فيا يعنى فيا
و تصاحبنى منين ما اروح
ابتسم تملانى ضحكة
و ان بكيت تمسح دموعى
تحضن الجرح اللى نازف
جوا قلبى و بين ضلوعى
تبقى صاحب يوم ما اخاصمه
تانى يوم ييجى يصالحنى
رغم انى غلطت جدا
من طيابته بيسامحنى
يعرف الحزن اللى ساكن
جوا نفسى و يداوية
و ان بكيت على صدره خوفى
يخطف الخوف و يداريه
نفسى روحى تبقى زيى
و تنسى تمسك لى العصاية
تشبه الطفل اللى عايش
من زمان دايما معايا
تنسى انى كبرت مرة
و توافقنى اعيش براحتى
و ان شافتنى ناسى سنى
تبقى فرحانة ببجاحتى
تبقى شبهى فى كل حاجة
حتى لو افكار غبية
بكفايها خدتنى منى
فالتقيتنى يدوبنى هى