فكيت قيود حبك
أصبحت حر
بعد اللي شوفته
من مذله وقهر
تجرى على اللي بايعك
واللي شريكي بتشربيه المر
عليكى أنا عاتب
لكل حبة رمل في حدودك
لكل قطرة ميه جاريه
من أسوان لحد المصب
في وادي اخضر
كان زمان سند عودك
بلاش تخلى الفراق يكون نهاية الأمر
في الماضي
كانت بناتك تترمى في نيلك
لجل الفيضان
دلوقتى سد وبنوا
والميه بقت بحساب
فرحانه بماضيكى
اهوه بكره جايلك خراب
والعله في الأسباب
ولساكى بتدورى على الصبر
مبسوطه بالتسقيف
ونور عيونه وكلام الزيف
بعندك وغبائك
بعدتي عنك كل الصحاب
راحوا مرجعينش
وان غابوا وسألوا
يبقى السؤال تخاطيف
داخل سجونك الصبر مر
بس عنادك أكيد أمر
بيجفى قلب ولادك
ينزع إيمانهم بيكى
ويبدله للكفر
والكفر هنا عصيان
سعتها هبعد عنك
هتقولى عليا جبان وتزعلى
ميهمنيش الهجر
هدخل من تانى سجونك
بس برضك حر
نزعتي توب الحشمه
وبقيتي مفضوحه
وجسست على جسمك كل الادين
ومن كتر ما شفنا بنتخبط
في مجالسنا اهوه تايهين
رغم انه في قعدة عرب
ممكن نلم الدور
كلمه أخيره بقولهالك
يتكونى معايه وليه
يا أمتا أنا برضك حر
بقلم / الطيب عوض احمد
ليست هناك تعليقات:
إرسال تعليق