علاش ما تكون النّاس الكلّ صحاب بقلم ( الشاعر المختار السفاري)

علاش ما تكون النّاس الكلّ صحاب بقلم ( الشاعر المختار السفاري)
النّار شاعلة في جاشي و العينين عليها ضباب
قلبي الأبيض كرّ عليّ حنّ برشة على الأحباب
كلّهم خلاّ و بي بالحسرة أكلت التّراب
يوم ما طاحت بي ولّاويلي ريح و رعد سماي غطّاها السّحاب
و الدّمعة تسيل وديان ما طفاه النّار زادتها إلتهاب
قلبي كون حديد التّراب مع الماء عجينة الملح فيها ذاب
لا فيها لا طعم لا بنّة يتلوّح يبقى بالمرض مصاب
الحديد يبقى ديما حتّى لو دخلت فيه سكينة ما يحسّ العذاب
كلّ من خلق من تراب يرجع لأصله مهما غاب
كلّ سؤال ليه جواب فيه الغالط و فيه الصّواب
إلّا قلب المؤمن لمّا تسأله جوابه فيه ورح ربّه التّواب
لا يخون لا يغلط يحسب النّاس الكلّ صحاب