سهران مع القمر بقلم الشاعرة نجلاء علي
انا نفسى اسهر معاك
وليلنا يبقي طويل
افرح وانا وياك
لما قلوبنا تميل
نحكى حكايات شوقنا
بالمغني والمواويل
نحضن سوا شروقنا
ونبقي م العاشقين
وندوب غرام وحنين
ياعيونك الحلوين
غرقانة شمس ونيل
بين عيني وضلوعي
صبري ياعمري قليل
ارحم بقي دموعي
بعدك بشوف الويل
وبتنطفي شموعي
وانت الحنان والضي
ولا زي عشقك زي
ياابو قلب مش بياع
باغت لقلبي شعاع
لملمني دفيني
جواك وخبيني
وضمني ضمة
اشواق وحنيه
نصحي لحد الفجر
والاهه منسية
يفرح معانا السهر
يسهر معانا القمر
ليست هناك تعليقات:
إرسال تعليق