و ناس تيجى .. وناس تمشى بقلم الشاعر فهمي على
و ناس تيجى .. وناس تمشى
و ناس تسهر و ما تنامشى
و ناس فى قلوبنا بنشيلهم
و ناس عشرتها ما تدومشى
و ناس نظرتها تحيينا
و سايبة فى القلوب علامات
تروح الدنيا و تجينا
نحب عشانهم اللى فات
نشوف ارواحنا فى صفاهم
و من غيرهم نكون ايتام
نعيش الفرح فى رضاهم
ثوانيهم .... بتطرح عام
دى ناس تاخدك لدنيتها
تعيش فيها اللى تتمناها
تصالح روحك التايهة
ينسوك معنى كلمة ااه
و ناس حاضرة ... لكن غايبة
ملو قلوبنا البريئة جراح
بياخدو و عمرهم ما ادوا
و ديما يضيقو اللى براح
دى ناس تقفل عليك روحك
و تخنق ضحكتك جواك
و لو تنسى و تتبسم
فى لحظة يرجعوك لبكاك
دى ناس و دى ناس بنعرفهم
نشوف دنيتنا فى وشوشهم
لا نملك قرب من شاريين
و لا اللى باعوا بنحوشهم
نعيش الفرح فى رضاهم
ردحذفثوانيهم .... بتطرح عام ......رؤؤؤؤؤؤؤعة