(حلمى بسيط ) بقلم الشاعر عبد الفتاح عزت
فين خير الزباله ياعم
بدور فيها مش ﻻقى المم
خﻻص ياشعب حويط
*******
كنت زمان من بدرى أشم
ريحتها الجميله وعليها نتلم
من غير كﻻم من غير سيط
**********
كنت أدقق من غير بم
وجوا هدومى كنت بلم
وأجرى بكيستى وأروح على البيت
************
أطلع أكل أخويا وأم
وتهب الفرحه فى بيتنا تعم
وأقعد أكل جنب الحيط
**********
وفجأه ياشعب بقيت تهتم
حتى زبالتك بقت تتلم
دمرت حياتنا بفتله خيط
***********
دورت شمال ويمين فى الهم
بصيت لعيشتنا المره ياعم
كان حلم حياتى حته غيط
***********
أزرع أشرب أكمل حلم
أخر السنه أنجح بالعلم
أحس الدنيا أنى انا جيت
***************
سبت زبالتك وفينا ذم
ودمرت قلوبنا بحبه سم
وخبط دماغنا فى أجمد حيط
*************
عشنا حياتنا رغم الهم
شوفنا المر ودوقنا الظلم
وضاع العمر وحلمى بسيط
ليست هناك تعليقات:
إرسال تعليق