لملمينى بقلم الشاعر اسامه طابع
لملمينى
لملمينى من شتاتى
اللى عايش بيه يوماتى
هويعنى لازم اصرخ
ما انتى لازم تفهمينى من سكاتى؟
ارمى راسك جوا حضنى
ادخلينى .. طببى فيا الجراح
اللى ساكنه بين ضلوعى
رممى فيا الشروخ
اللى خلتنى تملى شخص ... قايل للسقوط؟
ليه تسيبى الجرح يقتنلى
واموت من بعادك من ظنونى
انتى مش بتشوفى عينى
والدموع جواها ساكنه
رايحه جايه كأنها سفينه
تايها فى بحار الشوق اسيره
لملمينى
ارمى راسك جوا حضنى وادخلينى
طوفى فيا .. طوفى بيا
حتلاقينى مية مدينه
حتلاقينى كل عاشق ضاع حبيبه
حتلاقينى كل دمعه نزله فى حضن الشجن
حتلاقينى كل اهاه ساكنه فى جوف الالم
حتلاقينى صوت بيضحك بس بيموت م الوجع
لملمينى
حتلاقينى زهره دبلانه فوق رصيف الذكريات
فجأه داستها القدم ؟
لملمينى
طوفى تانى جوا منى
شوفى ايه فاضل بذاتى
شخص عايش ليل يوماتى
والنهار ميجيش ف عينه
حد عاشق للقهاوى
حد عاشق للشوارع للهروب
حد جواه مية مدينه فيها زحمه .. فيها خنقه .. فيها موت؟
لملمينى حتلاقينى حد مااااااات؟
ليست هناك تعليقات:
إرسال تعليق