منيش عاجب
بقلم تامر النقـــيب
_______
بحبك حب متخبى
مابين الخد والحاجب
ودايب قلبى فيكي دوب
وبرضو تملى مش عاجب
حبيبتى بس عندى سؤال؟
تملى كل ساعه بحال
بتبقى مره عصبيه
ومره تكونى زى غزال
ومره تبقى دلوعه
وتمشى تهزى ف الخلخال
ومره عليا تتمرد
وتزعل منى وبتغضب
واجيلها عشان أصالحها
تقول مزاجى أنا مش عال
ولا بشكى ولا بحكى
ولا لحبى انا أخبى
يمين الله بموت فيها
ولو تبقى نيران زلزال
بحب زعلها لو تزعل
وأموت فيهـــا
عشان أصالحها وأداديها
وكل قصايدى انا ليها
ألحنها وأغنيها
وأعمل خصرها موال
حبيبتى بجد دلوعه
وشخصيه ومسموعه
وكلمه بسيطه ترضيها
ومن كلمه مبقصدهاش
بشوفها بجد موجوعه
جمالها يزيد مع الدمعه
فأعشق حسنها ياخال
بتجى ساعات بتسألنى
حبيبى بجد حاببنى
وتستنى أجاوبها
تقولى قول ما تتعبنى
أقوم واخدها فى حضنى
وأبدأ أقول كلامى حبى
فتتنهد بصوت هادى
يهز من الغرام ده جبال
عليها صوت ناعم يسحر
بيسرى بدمى ويخدر
ولوتضحك شفايفها
الاقى نفسى أنا بسكر
طب أعمل إيــــه أنا فيها
صايبنى سهمها القتال
ياساتر لو تكلمنى بنات حوا
بتبقى من النيران أقوى
وترفع فى السما الحاجب
تخلينى أعيش رحال
لكنى ليها أنا عاشق
ولو تبعد ف يوم واحد
بلاقى نفسى مش طايق
وأستنى تجيني بحب
تغازلنى ونتعاتب
بحبها حب متخبى
مابين الخد والحاجب
ودايب قلبى فيها دوب
وبرضو تملى مش عاجب
_______
تـــــــامر النقــــــــيب,,,,,
ليست هناك تعليقات:
إرسال تعليق