( اهداءبمناسبة يوم اليتيم
الي كل يتيم علي ارض مصرنا الحبيبة)
(( حبيب اليتامي))
يا بخت اللي فكر
في يوم القيامة
يجاور نبينا
حبيب اليتامي
يقوى في عودهم
ويمسح خدودهم
وياخد بايدهم
لبر السلامة
يا بخت اللي فكر
في يوم القيامة
**********
كفالة يتيم دي
وصية نبينا
هياخد بايدنا
وهيعدي بينا
ينور حياتنا
وحتي ف مماتنا
لاعمره هينسي
في يوم يدعي لينا
ولا احنا هننسي
معاه الابتسامة
يا بخت اللي فكر في يوم القيامة
*************
واه لما يبكي
اليتيم هتلقية
يقطع في قلبك
ماتعرفشي ليه
يا ريتك تداعبوا
وتسكن ف قلبه
وتفضل متابعة
بهمة وشهامة
يا بخت اللي فكر في يوم القيامة
ليست هناك تعليقات:
إرسال تعليق