اوعي تنادي بقلم عبد\ الله بو النجا

*

(اوعى تنادى)
اوعى ف مره عليّه تنادى

اوعى تقول ان انا بهواك

انا بتمنى تزيد فى بعادى

انا بندم على لحظه معاك

*****
بعد كلامك مع احلامى

بعد الشوق اللى اديتهولك

تبعدنى وتبعد ايامى

يا خسارة حب وهبتولك

كلّمتك وبطيبة قلبى

صدقت انى ملاك احلامك

وحكيتلك عن شوقى وحبى

ومليت ايامى بغرامك

ونسيتنى كدا من دنياك

انت انانى جرحت فؤادى

فاكر مش هقدر انساك

ماخلاص انت فقدت ودادى

اوعى ف مره عليّه تنادى
اوعى تقول ان انا بهواك
******
عبدالله ابو النجا