....... الناس أنواع .............
الدنيا خداع في خداع في خداع
والناس أشكال .. ألوان .. وأنواع
ناس تديك إحساس بالحب
وناس في الناس ماتخافش الرب
وناس للغالي برخص تراب ينباع
ناس تضحكلك لما تشوفك
ناس تمسحلك دمعة خوفك
وناس تفتحلك يومي جروحك
وأجدع صاحب بقي بياع
دنيا ( خيانه وزيف وخداع )
صاحب غالي آمنته لسرك
وفجأه الطعنة تيجي في ضهرك
صاحبك باعك رخص سعرك
إكتم سرك ....
دوس علي حلمك ...
عدي لبكره وعيش علي أملك
وإوعي يقولوا عليك خداع
صفي النية ولا تنصاع
وإوعي تكون أبدا بياع
ما إحنا عرفنا ( الناس أنواع )
ليست هناك تعليقات:
إرسال تعليق