دروشة
*****
على العاتق تقيل الحمل ونعيش
وماشية رغم انة حواية مافيش
لا شكيت يوم من احمالى باكى
ولا اطوحت فى دواير الدراويش
ومش باكى ولا شاكى
ولا الهم للناس حاكى
ولا ثرثرت صفصفة
جامع حزنى باوراقى
ولا قولت انا رمسيس
ورفعت صوت ندب خسيس
مفرحش بلمة مهبولة
كلها شلة مهابيش
ومن تانى لا انا نبى
دى معانى نطق سبى
وصف ركيك كلام غبى
وحياة ابوك ارحم ابويا والنبى
واسكن يا عم مع الدراويش
مش عجباك فيها ما تعيش
كلنا منها عشقنا سنينها
رغم ان فى الايد مافيش
ثبتنا على يقينا
مقولناش من الدراويش
بس انت سبنى اعيش
ولحدى فيها غيرها ماليش
منيش درويش منيش درويش
لكن كتير هنا الحرافيش
بقلم / حاتم صلاح
ليست هناك تعليقات:
إرسال تعليق