(((ماركه مسجله))) بقلم الشاعر /محمودصلاح

*****(((ماركه مسجله)))*****
أسمع يابني
أنا ماركه مسجله
فى الشهامه والجدعه
عرفت أنا مين 
أناالمصري ياواله
وبطل نقوره ومنظره
وعوجة رقبه وفشخره

أنا الأصيل وجذواري متأصله
وجدوادي ملوك متفرعنه
وبلدي كانت مقبره
لكل الشعوب المتكبره
ودآب فى ترابها الناس الكبره
وشربوا من نيلها
وغويتهم مفاتنها

وعلى شان كده سموها
أم لكل البلدان والحضارات مقدره
وقد أعذر من أنذر

أقرأ وأتعلم التاريخ ياواله
أنا عندي حضاره
أربع آلاف سنه
وأنت أبن أمبارح لابس ببيونه ومريله

يعني أحنا اللي علمناك البناوالهندسه
وأحنا اللي أخترعنا المدرسه
وأحنا اللي رتبنا الكتب فى المكتبه
وعلمناك الترتيب والفهرسه

يعني مش هتعلمنا أصول المريسه
أحنا أساس المريسه
وبلاش أموار الجنان والفسفسه

أحسن لك راجع الخريطه
وحدد موقعك عليها
قبل ماتفكر لنا في خطه عبيطه
ولا أنت زايط وسط الزيطه

ما دخلتش فى يوم حاره شعبيه
وشوفت بعنيك رجاله ميه ميه
ياكلوا الزلط ويحلوا بالفول والطعميه
أعملك قفله وأنسد

أو أخبط راسك فى الحيط وأنهد
وبلاش شغل الحرميه
والحوارات والملاغيه
أحنا البدعنا الفهلوله
وأصول الواجب والمعلامه
بقلمي/محمودصلاح السيد9/5/2016