**اللي بنى مصر**بقلم المبدعة /الشاعرة سنا الشرق **ام مقلد**

**اللي بنى مصر**

اللي بنى مصر
في الأصل كان واد مجدع
رسمها أميرة مزينة المخدع
ﻻيوم تخون وﻻ تخدع
وإن يوم حبت ومالت
تﻻقيها قوام قوام قالت
وفيه مايوم خانت
وإن يوم حبيبها غاب
وقليبها في حبه داب
تقوله صاينه العهود
عن حبك ما اتوب
أغفرلك كل الذنوب
إﻻ الخيانة
اللي بنى مصر في الأصل
كان واد مجدع
رسمها أميرة مزينة المخدع
أميرة دايماً حزينة
يمر بيها الزمان
وهي كما هي
أرض الأمان
عفية قوية
مهما يقولوا عليلة
أم غالية حنينة
وإن يوم ولدها باع
وقال أمرك مش مطاع
هسيبك للرعاع
قوام قوام تسامح
حتى لو ناسيه المﻻمح
اللي بنى مصر في الأصل
كان واد عترة
كتبها قصيدة
حزينة الفكرة
مشغولة البال
امبارح والنهاردة وبكرة
فاكرة الحاضر واللي غايب
فاكرة الجاني واللي رجع تايب
اللي بنى مصر
في الأصل
كان واد زين
تستحي تبص له العين
اللي بنى مصر
عمره ماكان كداب
وﻻشكاك في نفسه مرتاب
اللي بنى مصر كان بيخاف يوم الحساب
اللي بنى مصر
ﻻسلفي وﻻإخواني
وﻻ ليبرالي علماني
اللي بنى مصر
عمره ما كان أناني

بقلم سنا الشرق ام مقلد