تعالي وزرني بقلم الشاعر طه إبراهيم
جرب مره تعالي وزرني
روحي بجد تفرح بيك
لما تشوف يمكن تعزرني
يمكن أصعب تاني عليك
لو فكرت ف يوم تهجرني
قلبي خلاص بقي ملك إيديك
هقبل منك لو تأمرني
بس أشوف الحلوه عينيك
لما ألاقيك واقف تشكرني
سبت الدنيا كمان حوليك
أملك هو إنك تنصرني
وإن الشوق ف القلب مليك
لو قررت إنك تخسرني
من يا حبيبي هيسأل فيك
لما الشوق منك يغمرني
ادعو واقول الله خليك
انا مش عارف ليه محيرني
أعمل إيه علشان أرضيك
لو تقدر تيجي تغيرني
برضو أنا راضي ومستنيك
جرب مره تعالي وزرني
روحي بجد تفرح بيك
ليست هناك تعليقات:
إرسال تعليق