عندما تتراقص الحروف بقلم الشاعر محمد ضباشه
عصافير كناريا واقفة على الحروف ترقص
وفجأة أتحول الورق قصاد عيني لركن من بستان
فيه من زهورك ونورك اللي شدوني
وخلوني اسيب القلم والورق والكتابة وأشتغل فنان
أرسم لوحة قصادى لوردة جميلة بتنادي علية
خدتنى من قلمي بعطرها الفتان
عملت رموشها ريشه
ومن شفايفها ولون خدودها وشعرها ما احترت في الألوان
وجمعت ورق الزهور ودوبت معاه حبي
علشان أعمل لها الفستان
والطرحة من سحابة ماشية تتمايل
والكحل أخذتة من غصون البان
ومن فروع الشجر وعش عصافير الكناريا
عملت لها قصر يليق بملكة الأكوان
ومن فرع مايل وشعر حريرعملت ربابة
تخرج أجمل الألحان
وكتب لعينيها أغانى
وعلى ضى القمر غنيت
حبيبتي أنا بحبك بقيت عاشق هيمان
قصاد صورتك فتح قلبى
يا ريت ترحميني بجمالك
وتعرفي إن أنا إنسان
ليست هناك تعليقات:
إرسال تعليق