قالوا زمان عاش الملك بقلم الشاعر خالد العطار
قالوا زمان عاش الملك ....
يحيى الملك.......مات الملك
طلع الملك .....أستاذ
وقالوا زمان ..اللى ما تحتاجه اليوم
بكرة مع غدر الزمن ينعاذ
قالوا الملك فنان
نسيوا الملك
أصل الملك إنسان
نسيت أنا قلبى
و نسيت عمرى كمان
ونسيت إن الملك فى الغابة
أسد وجوز تعالب
والباقى كله ديابة
بس ما نسيت إنى حبيت
عروس البحر هناك
فوق شطوط عمرى
وإن الهوى مكتوب
نصيبى وقسمتى وقدرى
بعقل مين يعشق قمر فنان
طل القمر
سجد نوره نوّر البستان
فرح بستانى وفرش عطره
رسم على وجه الهوى فستان
وبعقل مين يلبس قمر فستان
ولا يشم عطر حناني
ولا يرجع بشوقه يهواني
كفاية يا بدر
تنورفى سواد الليل بستانى
راح الملك
وخفت صوت الأسد بين السباع
واللى يعشق نور الشمس
ما يعرف طعم الوداع
لا أنا أسد فى الغابة
ولا أنا عايز أكون الملك
ولا أنا فى هواكِ... قط بزنبلك
أنا خالد الهوى إنسان
عاشق فى الهوى ولهان
عارف إن فنى جنان
وعارف إن نور البدر
...........ما يملكه إنسان
ليست هناك تعليقات:
إرسال تعليق