☆(ذنبى ايه)☆ بقلم الشاعر مبروك علوه

☆(ذنبى ايه)☆

ذنبى أيه غير إنى عايش
ذل وقهر في كل مكان
ليه أعيش حياتى ميت
ولا أعيشها حتى جبان
ليه ادفع عمري تمن لغيري
خوف ورعب مفيش أمان
طب هيكون ايه مصيري
غير إنى تايه مع الزمان
من الظلم صرخت بصوت عالى
وصوتي راح وعايش تعبان
حتى الحبايب نسيو المحبه
وضاع من قلوبهم الحنان
وكمان اصحابى اتخلوا عنى
تعبت زهقت جالى جنان
ضاعت ما بينا المحبه
نسيان حاجه اسمها كيان
بقى هو دا تمن الإخلاص
يغدرو بيا علشان غلبان
هو دا جزءا الوفاء
أعيش بسببهم فى توهان
قلوب مافيهاش ذرة شفقه
ماليها الحقد مفيهاش إيمان
نفوس عايش جواها الغيره
ولصحبتهم أنا ندمان
طب فين العدل فين الرحمه
ارحمونى دا أنا إنسان
☆☆☆☆☆☆☆☆☆؛
مبروك علوه