**إسكت و إتلهى **بقلم المبدع /شاعر العامية شعبان مكي **

**إسكت و إتلهى **
..................
كل واحد ملهى ف إيامه
و الدنيا وخداه و لهياه
ع طول مركز قدامه مش
فاضى حتى يبص وراه
اللى ملهى ف عيشة و إكل
مطحون و يقولك هعمل إيه ؟
مفيش حاجة بتيجي بالسهل .
ده ظروفه بتلهيه و تخفيه
اللى ملهى ف ثروة بيعملها
و الفلوس بلمعانها عمياه
مفيش كلمة بس يقولها
إلا فيها مصلحته وراه
اللى ملهى بكلب مربيه
و شاغل نفسه و مسليه
تحس إنه واحد م الإسرة
م كتر إهتمامه و رعايته ليه .
و اللى ملهى بطين و ب إرض
عايش يومه طول وعرض
المهم عنده الإرض فرض
مفيش قيراط يفرط فيه
لهيانا و بطريقة متناهية
تحس إنها حاجة مش سهلة
قد إيه الشغلة دى داهية
تشوفها تعجب كده م وهلة
دنيا وخدانا و جيبانا
مطرح ما ترسى سيبانا
إطفال و مشغولين باللعبة
و بسيبوها بنهاية الحفلة
................................ ف 16 / 12 / 2015
من صفحة الشاعر / شعبان مكى شاعر عامية