البنت بتضحك من بره بقلم الششاعر المبدع محمود مصطفى
البنت بتضحك من بره
ومن جوا بتنزف ميت مره
البنت كتاب مكتوب جواه
عمرك ما هتفهم لو تقرا
ألغاز متشبكة تشبيكه
والناس بتحل ومش قادره
تكره علشان خايفه تحبك
حبك بيزود في جروحها
ماهي بعد ما تتعلق بيك
عارفه انك بعديها تسيبها
تبعد علشان خايفه تقرب
وتقرب ليه وهي أساسا
مش حابه في بعدك تتعذب
وتحب في واحد مش حاباه
علشان دا ميفرقش معاها
فيسيبها تروح على طول سايباه
وتزود جرحها بالراحه
البنت مراية فيها حكاية
محبوسة في أسرار جواها
بتبنلك صوره بضحكاية
بالرغم ان الجرح ملاها
ليست هناك تعليقات:
إرسال تعليق