يادنيا مالك
لولا خوفى من الله
واملى فى لقاه
لطوعت شيطانى
ولبيت نداه
وكفرت بوجودى
وفارقت الحياه
فى ايه يادنيا مالك
بتمرمغينى ليه فى ترابك
وسيبه عليا كلابك
وكل ما الجألك قفله بابك
ومتربساه
يادنيا نفسى افهمك بس مش عارف
نفسى اعيش فيكى وانا مش خايف
يادنيا هو الفرح اتلغى ولا انا مش شايف ولا انتى مخبياه
صحيح يا دنيا ليكى العجب
لا نافع فيكى انحراف ولا ادب
وسايقه العوج ومعنده
وركبه راسك
هو العيب فيكى ولا فى ناسك
ولا انا اللى مش فاهمك وظلمك
وظالم ناسك
طاب فهمينى انتى
فرقتى ليه بينى وبين حبيبتى
ورخصتى سعرى وقللتى قيمتى
وحو جتينى للى مايتأمنوش وانتصارك
مايكنش الا فى هزمتى
فهمينى
ليه حضنك الدافى مبقاش بيدفينى
وبحرك الواسع مبقاش يروينى
وشمسك حرقت وشى
وقمرك مبقاش يطلع فى ليلى
فهمينى
ولا اقولك سيبك انتى واسمعينى
صبرى من ايمانى ايمانى من دينى
يارب انت القوى ارحم ضعفى وقوى ايمانى
ليست هناك تعليقات:
إرسال تعليق