........اغتيال وطن............
عدي عليا الوطن..شايل هدومه ف كيس
متغمي ومطاطي راسه..مكسورالجناح وتعيس
الموت بينده عليه..والهم واخده حبيس
مسروقه منه الخطا..بقهر باغي خسيس
بعتر كرامه ولاده..وبور ارضه بالتدليس
وخنق فقلبه المحبه..عكش وائل ولميس
وشيوخ بتزرع فتن..ومؤامره من قسيس
وقضاه بتدبح عداله..سجن وقيود متاريس
والدم اصبح رخيص..ومعدش فيه تنفيس
ونزعواهيبه الوطن..وحرقوا كل نفيس
ازاي هكون له سكن..وازاي يكون لي ونيس
شاعر البرلس/جمال البطاط
ليست هناك تعليقات:
إرسال تعليق