الطواقي والروس بقلم الشاعر عصام قابيل

الطواقي والروس بقلم الشاعر عصام قابيل

قعدت أتاجر ف الطواقي

.......وكله عال و كان مدروس

.........ولاحامل هم الي باقي

...........ولاشايل هم الفلوس

.............وفضلت عايش بكابر

............وكأني معايا الدروس

.............والكل ساكت وصابر

.........لما زهقت كل الروس

.....معرفش همي الي عافي

.............ولاّ بالإحباط ملبوس 

..........ولاّ شايله فوق كتافي

.......ولاّ هو الي غاوي يدوس

..........ياهم سيب الفرح ليّا

.......ولاّ هفضل كتير منحوس

...........ولاّ لساك دايس شوية

.........ولاأنت قابض فيّا فلوس

......مابلاش تعملني مداسك

.....إرحم في قلبي المهروس

.....شوفلك حد تاني مقاسك

.........اعتبرني طريق ميئوس

..........سبحانك يارب ياهادي

.........إهدي قلبي المنكوس

..يمكن علشاني مش راضي

........تاهت طواقي عن روس